Jardunaldiak: I+G+B sustatzeko ereduak Espainiako fikziozko eduki zinematografikoei zuzenduta

with No Comments

Euskadiko eta Espainiako ikus-entzunezko industriaren berrikuntzaren helburu orokor honetan, I+G+Bn inbertitzea funtsezko faktorea da – gure herrialdean oraindik ez da existitzen edo egoera larrian dago – film edo telesail bat ekoizteak eskatzen dituen inbertsio ekonomiko handiak ziurtatzeko, arrakastaz lehiatzeko gai baitira, bai arlo artistikoan, bai komertzialean, bai merkatu eta nazioko eta nazioarteko jaialdietan.

Euskal Produktoreen Elkartea-Asociación de Productores Vascos-ek (EPE-APV) MAPArekin (ikus-entzunezko ekoizleen lurralde-mahaia) batera antolatzen duen jardunaldi profesional honen helburu nagusia da gogoeta egitea nola egin dezakegun aurrera zinemako eta ikus-entzunezko fikziozko paradigma berriak prestatzeko, egoera zail batean dauden administrazio publikoen laguntzarekin. Egoera horretan, badirudi gure sorkuntza-jardueraren izaerarekin zerikusirik ez duten kontuei ematen dietela lehentasuna. Egoera kontraesankor horretan, badirudi interes publikoaren bermatzaileek ez dutela aitortzen ekoizlearen papera bera ekintzaile artistiko, industrial eta kalitateko enpleguko ekintzaile gisa.

Gure ikus-entzunezko industriako profesionalek eta adituek produkzio askoz originalagoa, askeagoa eta arriskatuagoa bultzatzeko egin behar dituzten proposamen eta ekintzei buruz hausnartu eta ideiak eta esperientziak partekatuko ditugu. Nazioartean dugun presentzia hobetzeko eta, pixkanaka, botere publikoekiko eta industria handiaren konbentzio eta trabekiko mendekotasun txikiagoa duen sektore profesionala eraikitzeko aukera emango diguten filmak nola egin eztabaidatuko dugu.

ZINEBI NETWORKING 2018an parte hartzeko epea zabalik dago

with No Comments

Aurreko edizioetan bezala, ZINEBIk eta Euskal Produktoreen Elkarteak (EPE-APVk) euskal ikus-entzunezkoen sektorea eta talentua babesten eta bultzatzen jarraituko dute. Aurten, nazioarteko jaialdiaren 60. urteurrenean, antolatzaileek ZINEBI NETWORKING 2018: dokumentalen sorgunea. Foro Profesional de Cine Documental de Bilbao. aurkeztuko dute Euskadiko Produktoreen Elkartea (EPE-APV), Euskal Telebista (ETB), Bizkaiko Foru Aldundia (BEAZ) eta Bilbao Ekintzarekin elkarlanean. Proiektu honek euskal zinemaren sormen olatu berria bultzatu nahi du eta zinema berri honen ekoizpenaren aldeko apustua egin. Horretarako, gure helburua tokiko ikus-entzunezkoen egituraren dinamizazioan laguntzea da, zinemagintzaren arloko agente eta bertako zein nazioarteko instituzio desberdinen arteko elkarlana eta kooperazioa bultzatuz. Proiektu dokumental sortzaile eta independenteak babesteko asmoz, Networking-a etorkizunean garapen artistiko eta profesionala lortzeko plataforma izan nahi du. Esperientzia, jakin-mina eta ardurak partekatu eta proiektu dokumental berriak garatzeko sinergiak sortuz. ZINEBIren iritziz, aukera paregabea da gure gazte talentuek aholkularitza eskainiko dieten profesional eta adituekin harreman zuzena izan dezaten. Hauen gomendioak eta aholkuak jasoko dituzte proiektuak modu arrakastatsuenean garatzea bilatuz. Aholkularitza, hausnarketa eta sormena garatzeko gunea izango da ZINEBI NETWORKING 2018. Horretarako, ekitaldi honek belaunaldi berrien zinema ekoizpena bultzatzen duten zuzendariekin, ekoizleekin, instituzioekin eta sektoreko beste hainbat agenterekin aurrez-aurreko topaketa dinamika izango du. Euskal ekoizpen independentea sustatzeko asmoarekin eta honen nazioarteko hedapen ahalmena indartzeko, irabazleak 10.000 euroko saria eta aholkularitza profesionala jasoko du ikus-entzunezko proiektua egia bihurtu dadin.