Imanol Uriberen “La fuga de Segovia” filma, denborak euskal zinemaren mugarri eta garai konbultso haien testigantza baliotsu bihurtu duena, 40 urte bete ditu, eta Ernest Lluch Kultur Etxeak “Memoria de una fuga” erakusketarekin ospatu du. La fuga de Segovia saiotik 40 urtera, gaurtik urriaren 30era arte.
1976ko apirilaren 5ean, ETAko 24 kidek eta zenbait erakunde eta partidutako beste bost katalanek ihes egin zuten Segoviako kartzelatik, eta bost urte geroago, ameslari talde batek gertakari haiek zinemara eramateko erronka hartu zuen bere gain.
Erakusketarekin batera, gaur Ernest Lluch zentroan bertan solasaldia egiteko aukera izango da, Imanol Uribe zuzendaria, Angel Amigo ekoizlea, Xabier Elorriaga aktorea eta Amaia Zubiria musikarekin.
Gainera, bihar, urriaren 2an, 19:00etan, filma ikusi ahal izango da Tabakaleraren zine-pantailan, Imanol Uribek eta Angel Amigok aurkeztuko duten saio batean.
Proiektu honek euskal zinemaren sormen olatu berria bultzatu nahi du eta zinema berri honen ekoizpenaren aldeko apustua egin. Horretarako, gure helburua tokiko ikus-entzunezkoen egituraren dinamizazioan laguntzea da, zinemagintzaren arloko agente eta bertako zein nazioarteko instituzio desberdinen arteko elkarlana eta kooperazioa bultzatuz. Proiektu dokumental sortzaile eta independenteak babesteko asmoz, Networking-a etorkizunean garapen artistiko eta profesionala lortzeko plataforma izan nahi du. Esperientzia, jakin-mina eta ardurak partekatu eta proiektu dokumental berriak garatzeko sinergiak sortuz. ZINEBIren iritziz, aukera paregabea da gure gazte talentuek aholkularitza eskainiko dieten profesional eta adituekin harreman zuzena izan dezaten. Hauen gomendioak eta aholkuak jasoko dituzte proiektuak modu arrakastatsuenean garatzea bilatuz. Aholkularitza, hausnarketa eta sormena garatzeko gunea izango da ZINEBI NETWORKING 2018. Horretarako, ekitaldi honek belaunaldi berrien zinema ekoizpena bultzatzen duten zuzendariekin, ekoizleekin, instituzioekin eta sektoreko beste hainbat agenterekin aurrez-aurreko topaketa dinamika izango du. Euskal ekoizpen independentea sustatzeko asmoarekin eta honen nazioarteko hedapen ahalmena indartzeko, irabazleak 10.000 euroko saria eta aholkularitza profesionala jasoko du ikus-entzunezko proiektua egia bihurtu dadin.